ചിക്കാഗോ കാനാനായ കാത്തലിക്‌ സൊസൈറ്റിയുടെ പുതിയ ഭരണസമിതി പ്രസിഡന്റ്‌ ജോസ് കണിയാലിയുടെ നേതൃത്വത്തില്‍ ലെയ്‌സണ്‍ ബോര്‍ഡ്‌ മെമ്പര്‍ മാതാദാസ്‌ ഒറ്റത്തൈയ്‌ക്കലിന്റെ മുന്‍പാകെ സത്യപ്രതിജ്ഞ ചെയ്‌ത്‌ അധികാരം ഏറ്റെടുക്കുന്നു.
ചിക്കാഗോ: ചിക്കാഗോ കാനാനായ കാത്തലിക്‌ സൊസൈറ്റിയുടെ 2015-2016 കാലഘട്ടത്തിലേക്കുള്ള പുതിയ ഭാരവാഹികള്‍ സത്യപ്രതിജ്ഞ ചെയ്‌ത്‌ അധികാരമേറ്റെടുത്തു. ഡിസംബര്‍ 31-ാം തീയതി വൈകിട്ട്‌ കെ.സി.എസ്‌. കമ്മ്യൂണിറ്റി സെന്ററില്‍ ക്രിസ്‌തുമസ്സ്‌ പുതുവത്സരാഘോഷത്തോടനുബന്ധിച്ച്‌ നടന്ന ചടങ്ങിലാണ്‌ പുതിയ ഭാരവാഹികള്‍ സത്യപ്രതിജ്ഞ ചെയ്‌തത്‌. കെ.സി.എസിന്റെ പുതിയ എക്‌സിക്യൂട്ടീവ്‌ അംഗങ്ങളായ ജോസ് കണിയാലി (പ്രസിഡന്റ്‌), റോയി നെടുംചിറ (വൈസ്‌ പ്രസിഡന്റ്‌), ജിനോ കോതാലടിയില്‍ (സെക്രട്ടറി), സണ്ണി ഇടയാലിയില്‍ (ജോ. സെക്രട്ടറി), സ്റ്റീഫന്‍ കിഴക്കേക്കുറ്റ്‌ (ട്രഷറര്‍), നാഷണല്‍ കൗണ്‍സില്‍ അംഗങ്ങളായ സിറിയക്‌ പുത്തന്‍പുര, തോമസ് പൂതക്കരി, ഡാളി കടമുറിയില്‍, ടിനു പറഞ്ഞാട്ട്‌, തങ്കച്ചന്‍ വെട്ടിക്കാട്ട്‌, സ്‌ക്കറിയ ചേലക്കല്‍, ജെസ്‌ മണക്കാട്ട്‌, ലെജസ്ലേറ്റീവ്‌ ബോര്‍ഡ്‌ അംഗങ്ങളായ സജി തേക്കും കാട്ടില്‍, മജോ ഓട്ടപ്പള്ളില്‍, മാത്യു തട്ടാമറ്റം, ഡെന്നി പുല്ലാപ്പള്ളില്‍, ദിലീപ്‌ മാധവപ്പള്ളില്‍, പ്രദീപ്‌ മരുങ്ങോത്ത്‌, ഡിബിന്‍ വിലങ്ങുകല്ലേല്‍, അലക്‌സ്‌ മുല്ലാപ്പള്ളി, എന്നിവരാണ് ലെയിസണ്‍ ബോര്‍ഡ്‌ മെമ്പര്‍. മാതാദാസ്‌ ഒറ്റത്തൈക്കല്‍ ചൊല്ലിക്കൊടുത്ത സത്യവാചകം ഏറ്റുചൊല്ലി സത്യപ്രതിജ്ഞ ചെയ്‌ത്‌ അധികാരമേറ്റത്‌. കെ.സി.എസ്‌. ക്രിസ്‌തുമസ്സ്‌ പുതുവത്സാരാഘോഷ സമ്മേളനം കെ.സി.എസ്‌. സ്‌പിരിച്ച്വല്‍ ഡയറക്‌ടര്‍ ഫാ. എബ്രാഹം മുത്തോലത്ത് ഉദ്‌ഘാടനം ചെയ്തു. കെ.സി.എസ്‌. പ്രസിഡന്റ്‌ ജോര്ജ് തോട്ടപ്പുറം അദ്ധ്യക്ഷത വഹിച്ച സമ്മേളനത്തില്‍ ഫാ. സുനി പടിഞ്ഞാറേക്കര, നിയുക്ത പ്രസിഡന്റ്‌ ജോസ് കണിയാലി, നിയുക്ത വൈസ്‌ പ്രസിഡന്റ്‌ റോയി നെടുംചിറ, ലെജിസ്ലേറ്റിവ്‌ ബോര്‍ഡ്‌ ചെയര്‍മാന്‍ ജെയ്‌മോന്‍ നന്ദികാട്ട്‌ എന്നിവര്‍ പ്രസംഗിച്ചു. കെ.സി.എസ്‌. ട്രഷറര്‍ ജസ്റ്റിന്‍ തെങ്ങനാട്ട്‌ സ്വാഗതവും, വൈസ്‌ പ്രസിഡന്റ്‌ ജെസ്‌മോന്‍ പുറമഠത്തില്‍ കൃതജ്ഞതയും പറഞ്ഞു. സെക്രട്ടറി ജൂബി വെന്നലശ്ശേരി എം.സി. ആയിരുന്നു. പുതിയ ഭരണസമിതിയുടെ സത്യപ്രതിജ്ഞയ്‌ക്കു ശേഷം ഫാ. എബ്രാഹം മുത്തോലത്ത്, ഫാ. സുനി പടിഞ്ഞാറേക്കര, എന്നിവര്‍ പുതിയ ഭാരവാഹികളെ അനുമോദിച്ചു.
